المساعد الشخصي الرقمي

مشاهدة النسخة كاملة : يانجمة الصبح كبدي منك مرهوقه ..... من روائع العشق العفيف


الضويري
15-07-2011, 02:28 PM
الشاعر نمر بن صنت عشق له بنت من عتيبه وأهلها رفضوه وأخذ له تسع سنين وكان خوي في إمارة نجران ودخل فيها خالد السديري وجاهه ولم تثمر ولكن في النهايه وافقو واصبحت ام عياله رحمها الله






يانجمة الصبح كبدي منك مرهوقه :::: لاشع نورك علينا لا تغيبيني



يانجمة الصبح كبدي منك مرهوقه
لاشـع نـورك علينـا لاتغيبينـي



ستاير القلب من فرقاك مفتوقـه
اصبر من العام لين انك ذبحتينـي



يالحب لو نتركـه عنـا وطاروقـه
أظني ارتاح وانتـي تستريحينـي



ياقلبي يالي من اسبابه دنا عوقه
ياناس شيرو عليها لا تقاصيني



لحيتني لح ركـب عجلـوا سوقـه
او جـل ذود مسرينه شيابينـي



قالو معاليق قالبك منه مسروقه
قلنا خذته الضحى والناس واعين



وا قلب ياللي من الجازي دنا عوقه
بالله شيـروا عليهـا لاتقاصينـي



وان كان قلبي تلبش عنه صندوقـه
شدوه ليـن آتجـود فيـه بيدينـي



ياليت ربي ومر (خالد) على شوقه
يفك حبله ولـو يعطـي ملايينـي



الأوله ليت ابو خلي من الروقـه
والثانيه ليت ابوي من القحاطينـي



يالله ياخالـق الدنيـا لمخلـوقـه
تقدر على الموت تذبحني وتحييني



تلم شملي لابد الـروح مرفوقـه
باربع هناديس في قبري تخاوينـي



الشاعر/ نمر بن صنت الحافي

شامانـ العاطفي
15-07-2011, 04:24 PM
الأوله ليت ابو خلي من الروقـه
......................والثانيه ليت ابوي من القحاطينـي

الله الله رحم الله نمر بن صنت رحمه واسعه ولعنبوا العشق والله أنه ما يرحم ويدنق رووس الرياجيل ويقال أن الأولين لبغوا يدعون على احد قالوا جعله يحب والا يعيف الحليب وتقبل مروري يالسالمي

محمد بن حامد بن مايقه
16-07-2011, 07:53 PM
قبل شوي سمعت هالابيات على الربابه في احدى القنوات الفضائية صح لسان الشاعر نمر وهي من القصايد المعبره وزين يوم ختمها بخير وغدت ام العيال

لاهنت يالضويري

فهد حمد الحبابي
17-07-2011, 10:14 AM
الله لايهينك ياخوي : الضو يري

قصه وقصيده على مستوى

تقبل مروري

رسن بن عبدالله
17-07-2011, 02:52 PM
الله لايهينك يالضويري

ابومحمدالعاطفى
19-07-2011, 08:49 PM
السلام عليكم ورحمة الله وبركاته

الله يغفرله واموات المسلمين

ذرب ياوجه ال سالم فى مواضيعك

والله يحفظك

جباري
20-07-2011, 09:10 AM
الأوله ليت ابو خلي من الروقـه
والثانيه ليت ابوي من القحاطينـي

الله الله يا الضويري هذا البيت أكثر ما أعجبني

أنت مبدع في كل حالاتك سواءً كنت محرراً أو ناقلاً

فلاح آل راكان
20-07-2011, 09:39 AM
بيض الله وجهك على الطرح الرائع ..

وصح الله السان الشاعر هذا والله القصيد اللي نطرب له وهذا والله العشق العفيف ..

تقبل مروري نفدآك ..

هادي فارس السنحاني
13-08-2011, 02:22 PM
اخي الضويري يعطيك العافية
نعم عشق عفيف وقصيدة رائعة ومعبرة
الله اكبر تعبير جميل جدا وسلاسة في الشعر
يقول المثل ( عش ما شئت فإنك ميت ، وأحبب من شئت فإنك مفارقه )

تقبل مروري

الضويري
13-08-2011, 03:47 PM
اخواني

شامان العاطفي
محمد بن مايقه
فهد الحبابي
رسن بن عبدالله
ابو محمد العاطفي
جباري
فلاح ال راكان
هادي السنحاني

مبارك عليكم الشهر واشكركم على المرور العطر

تقبلوا فائق احترامي