ماقاله ابن فهيد شيخ الشيابين عن القحاطين !!!!

[ابو اسامه الروقي]

يقولون سئل ابن فهيد عن اشجع القحاطين فرد الرجال وقال:(كل قحطان فيهم فارس وفيهم اللي ماهوب فارس لكن اذا شفت اللي يطردك شعره تموت فيه العقارب ويعتزي ويقول خيلا البلهه وانا ابن دراج فاترك الابل واسلم بعمرك لانه ماعاد يبي الابل مايبي غير ذبحتك وانا كانه لابس مرودن طويل ويعتزي ويقول خيلا البلهه وانا ابن روق فارجع له واعتذر منه ورد عليه ابله لان الروقي يسامح ).
وسلامتكم

[ابليس ملعون]

وسبعين نعم بوجيه عبدالله طرق على الراضي والزعلان راحو نجد وحكموها وحكموا قبايلها وهم ربع قحطان

في ذمتي ان فعلهم يشرف كل قحطاني واخرتها عتيبه باكملها وبمساعدة الشريف اللي كان يمدهم يزيحونهم نص المسافه اللي كانت لهم قبل يجون الجحادر وابن شفلوت ويفتخرون عقب الجزيه

[إبن الأروق]

تركي بن حميد هو اللي كان يقول لربعه :

لا شفتوا أثر وسم آل روق في المراح فهجوا وعودوا دونكم ترى ما وراكم كسب

أثر الوسم وليس سماع العزوة


هذا ما أعرفه ومتواتر عند الجماعه وعند شيبان بني هاجر أيضاً




وغيره الله أعلم


أما إبن فهيد فسالة بير كحله تكفي عن قوله

والسلام

[ابو اسامه الروقي]

شكرا اخوي ابليس انت وابن الاروق ومما يزودني شرف مروركم على الموضوع وردودكم اللي تشرح الخاطر

[المنار]

السلام عليكم ورحمة الله وبركاته :
اخي العزيز ابليس
اخي انا لم افهم على كلامك اريد التوضيح : هل قبيلة عتيبه كانت تسكن نجد قبل نزول قبيلة الجحادر قحطان وهل قبيلة الجحادر ازاحو قبيلة عتيبه باكملها من نجد , اريد ان تشرح لي او احد عنده خبره .

[المنار]

السلام عليكم ورحمة الله وبركاته :
وهل شارك قبيلة الحباب او استنجدوا بهم ابناء عمومتهم عيال عبد الله الجحادر في ازاحت قبيلة عتيبه من نجد

[ابليس ملعون]

الاخ المنار قحطان لم تزيح عتيبه فقط بل كانت هي اخر قبيله والشاهد قصيدة الجحدري ماني متاكد منه لكن اتوقع انه ابن جروان واحفظ منها وقد كانت القصيده عند عمي مكتوبه بالخط المعوج القديم قبل حدود مائة سنه

ديارنا السابقه غرب القهر__________ منها الخوايس والجحر وذمار
اولاد جحدر والحباب عضودنا_________ وسنحان جدنا سيفهم بتار
______ من ديرة ملوها_________ يبغون نجد ن واسع الاقفار
الموت ولا نجد تو الجحادر________ دربين ما معهم غيرها مسار
لين التقينا بالدويش بحلته________________________
ستة شهور من مناخ وتالي_______ولا بقى عضو ن لازم الا سار
ثم التقينا بالمرابط يام _______________ ___------ كلن على باب وجدار
ثم التقينا بالزحول عتيبه_______ احرار قصر من فروخ احرار
عامن ورى عام والقنى خلف القنى______بسيوف هندن تقصف الاعمار


لين امتلكنا نجد بالسيف الارهف_______ نجدن ملكنا غصبن عن اهل الدار

المعذره القصيده حالتها حاله وترى يام هم العجمان وال مره

[ابليس ملعون]

اما الحباب فلم تشارك في تلك الحرب من حسن والله حظ العدو وعبيده لحقت فيما بعد الجحادر وشاركتها اكثر الحروب من بعد ابن شفلوت هو من ذبح العطاوي
وسلامة الجميع

[المنار]

السلام عليكم ورحمة الله وبركاته :
اخي انت تقول ان الجحادر ازاحوا عتيبه باكملها نص المسافه
يعني ان الجحادر طردو عتيبه من نجد تكفا وانا اخوك عطني معلومات انا مقهور من ناس عتبان .

[ابو اسامه الروقي]

القصه اللي قالها ابليس صحيحه وهي ماثبت عن اكثر الرواه سواءا من عتيبه اللي اعترفو بهزيمتهم امام قحطان لانصافهم ولمجرد قول الحقيقه او من القحاطين ومع العلم ان هناك شيبان قحاطين يضخمون الامور مثل سالفة المئة قتيل من العتبان عند بئر الحرمليه واللي يقال انهم ركزو روسهم هناك وجثثهم ويقولون انها صحيحه ولكن شخصيا لا اصدق
ماهو انقاصا في حق قحطان ولكن مئة قتيل كثير يمكن عشرين الى اربعين تكون معقوله ولكن ماذكر وروي انهم مئه وانهم قتلو عند بئر الحرمليه نصفهم ونصفهم الباقي عند جبل سوفه شمال من الحرمليه حوالي كيلوين او ثلاثه واللي قتلوهم هم فرسان ال روق
وسلامتك

[إبن الأروق]

أما سوفه والحرمليه فتعتبر مقبرة للغزاة وبالذات من قبيلة عتيبه

حيث قتل المئيات على مر السنين في معارك حفظها التاريخ وأخرى لم يحفظها التاريخ

ويقول شاعر آل روق :



من يخاويني لورد الحرمليه=يم بني عمِّي كعام العايليني

إلى أن قال :


وإنشدوا الأنجل وسوفه وعفريَّه=حن ذراها ...... الغايبيني



القتلى كثير لا يحصيهم إلا الله عز وجل ولا زالت عظامهم موجوده في البطحا جنوبي سوفه

ولي منها أربعة أشهر فقط




سوفه وما أدراك ما سوفه




سلام عليكم

[المشبهاني]

يا أخوان :

اعرفوا تاريخكم زين ... لانه تاريخ زين و يرفع الراس ومثبت في السوالف والكتب .......

1- نزول الجحادر لنجد كان تحت قيادة اميرهم آنذاك ( عثفر العماج ) رحمه الله ..... تقريبا ً حوالي عام 1190 هجري او حول ذلك ... وكانت قبيلة مطير قد ازاحت قبيلة عنزه من نجد وسيطرت عليها .... وصارت معارك بين القحاطين والمطران استمرت ل 6 شهور متواصله انتهت بأنتصار القحاطين وقتل امير مطير وطبان الدويش وازاحتهم من نجد .

2- تولى زعامة الجحادر وعموم قبيلة قحطان فيما بعد هادي بن قرمله ... والذي قاد معركة بين قحطان والدولة السعودية الاولى عام 1204 هجري وانتصر القحاطين فيها . بعد ذلك اصبح هادي بن قرملة قائد جيوش الدولة السعودية بعد ان عرفوا ان الدعوة الوهابية تحتاج الى قوة لتساندها وتدعمها . وكان من ضمن الامراء الذين تحت لواء هادي بن قرمله امراء عتيبه ( ابن ربيعان ) والدواسر والسبعان والسهول . وظل هادي على هذا الى ان قتل عام 1226 هجري في معركة وادي الصفرا ضد الاتراك والمصريين ... واللتي بعدها سقطت الدرعية عام 1231 هجري وانتهت الدولة السعودية الاولى .

3- تولى الزعامة بعد ذلك الامير محمد بن هادي والذي هزم اكبر قوة آنذاك وهي جيش الاشراف في معركة ( تين ) فاصبح بعدها سلطانا ً لنجد .

4- نزل تركي بن حميد بقبيلته من عالية نجد والحجاز بعد ذلك وطلبوا المرباع من سلطان نجد ... فقال لهم : ارجعوا الى الريعان بالظعينه وتجي لنا وناذن لك بالمرباع ... اما مجيئك بالظعينه فيدل على انك تنوي المرباع حتى لو ماحصل لك الاذن ..... فعاد بن حميد بالظعينه وطلب المرباع فأذن له سلطان نجد ولكن بشروط وقبل ابن حميد الشروط .

ثم فقدت قحطان 4 من الخيل وقعود ... فطلبها سلطان نجد.. فقام تركي بن حميد بتأديتها ومعها حصان هدية يدعى ( التوم ) ....وعندما وصلت لسلطان نجد اخذ الخيل والقعود ورفض الهدية !!! وقال لانقبل الا قعود زبن بن عمير ..... فعرض ابن حميد الامر على ابن عمير فرفض ترك قعوده .... فعرف ابن حميد ان الامر قد وصل الى طريق ٍ مسدود وان القعود قد يؤخذ بالقوة .... ورد النقا ابن حميد اعلانا ً منه بقبول الحرب ... فأشتعلت منذ ذلك الحين .

حيث يقول ابن حميد :

اديت انا اربع قحص والخامس التوم
وقـعـود زبن اللي بغا مـا حـصـل له

الى ان يقول :

وانـتـم كما ضـلع ٍ طـويل ٍ ومـزمـوم
وحـنـا خـلـقـنا الـلـه نـجــوم ٍ تـهـله

فيرد سلطان نجد :

ياسابقي غاش ٍ اعتيبه منك لوم
مثل الربيع اليا غـشـا نـجـد كله
كدي على العتبان خمسة عشر يوم
قعدان والجمال بـيـتـي هل ٍ له
وان كان رمحك بأول الخيل ملحوم
فأنا برمحي حامي ٍ نـجـد كله
من شافنا بالحلم يقعد من النوم
ومن شافنا بالعـلم بـطـنه يهله
عدونا لا جـض ماهـوب مليوم
واللي وراه يـجـض من جـضة ٍ له
حربك الى جانا نـقـلناه بسهوم
وتر حربنا لا جاك ما احـتـلت شـله
وان كان تطري النجم والنجم مفهوم
والـنـجـم يدوي والـجـبـل راسي ٍ له
متوسط ٍ ما بـيـن عـتـبان وبـقـوم
والله علم في دق سـلـك وجـلـه

هذا توضيح ... واليك المفيد المختصر :

1- لم تنزل عتيبه في نجد الا بعد اذن قحطان
2- حاول اين حميد تفادي الحرب بتقديم الهدايا
3- خرج على ابن حميد جماعات من العتبان لعدم قدرتهم على مواصلة القتال ضد قحطان ومنهم امير الدعاجين ( الهيضل ) الذي قدم هدايا لابن هادي عبارة عن حصان وفرس .
4- ترك ابن حميد ناس من ابناء عمه واخوان زوجته ونزحوا عنه وارسل لهم قصيده يحثهم فيها على العوده والقتال معه يقول في اولها :

تلفي بني عمي ورا نجد بهبط
اهل بيوت كنها شمخ القور

حتى تركي بن حميد نفسه يقول في قصيده موجهه الى سلطان نجد :

حنا طلبنا الصلح منكم ولا حصل
ودنياك ما يبقى بها الا صبورها
ما اذمكم ياربعنا نعما ً بكم
انتم سباع الهيش وحنا نمورها

حتى ان احد شعراء عتيبه قال بيتين قتله بسببها تركي بن حميد ... والبيتين هي :

ول ياعود ٍ حرق الله اعظامه
عين يبيدنه الليالي والايام
لاشب ضوه عالي ٍ في العدامه
قمنا نربط غالي القش بحزام

وعندما علم تركي بن حميد قتله - والعلم عند الله - لانه عبر عن يأسه من زوال سلطان نجد وقوة قبيلته .
كذلك هناك قصيده لامير عتيبه محمد بن هندي يحث فيها قومه بعدم غزو مراعي قحطان اللتي فيها ذيب بن شالح بن هدلان .

5- كان محمد بن هادي يأخذ الجزيه على من في نجد ومن ضمنهم عتيبه ....حتى ان الشاعر حمد هادي المسردي رحمه الله قد ذكر هذا الشيء في ردية مع خلف بن هذال العتيبي امام الامير سلمان حيث قال :
والجزية تدفعونها لكم عدة اسنين
ياتي بها شـيـوخـكـم يـم امراءنا

6- وصل محمد بن هادي الى مكانة لم يصلها غيره .... فقد حارب على كل جهه وانتصر ... وكرهه اعدائه لجبروته واحبه القحاطين لرأفته بهم حتى وان اخطأوا في تصرف ٍ ما .....

فأعلم ان محمد بن هادي قد انهك مطير وعتيبه بالحروب والغارات حتو وشوا به عند الامام فيصل بن تركي فقال سلطان نجد للامام فيصل :

شد العتيبي من ورا كشب خايف
ولا يحدر كود يبرى له القود
وشد المطيري من خشوم الردايف
وان سندوا وردو حنيظل وابا الدود

وقال ايضا ً للامام فيصل متحدثا ً عن مطير وعتيبه :

اللحف يبغضني على لطم خده
ولو ني عليه هوين ٍ صرت غالي

7- استجارت قبيلة المريخات من مطير - بعد الله سبحانه - بقحطان ومحمد بن هادي خوفا ً من الدويش... واجارهم بن هادي رغما ً عن الدويش وابن رشيد الذي كان في صفه .

8- ارسل راكان بن حثلين امير العجمان الهدايا لمحمد بن هادي توددا ً ورغبة ً ان يكون سلطان نجد عونا ً له لا خصما ً ضده .

9- ارسل الشريف سلطان لمحمد بن هادي يطلب منه ان يرسل حصانه ( حرقان) ليضرب به افراسه ... ورفض ابن هادي طلب الشريف وهذا دلاله على قوته وتمكنه من امارته .

10- لكم ان تعرفوا اين انتهى المطاف بآل ابن حميد وبرقا !!! عادوا كما كانوا للحجاز !!! والمطران صاروا شتات ... اكثرهم في النعيرية على حدود الكويت ... واللي في المجمعه .. فهم في هجر منحها اياهم الملك عبدالعزيز خلال مرحلة ( توطين البدو ) .

لذلك وجب ان تعلم ان مجرد المناقشه حول تزعم القحاطين لنجد وسيطرتهم بها مع من هو من غير القحاطين هي من باب ( اعطاء الوجه لمن لا يستحق ) !!!

والناس اللتي تحاول ان تتعملق ... تربط مواجهاتها بالعمالقه !!!!

واليكم هذه الكوكبة الرائعه من الاسماء اللتي ترفع الرأس :

هادي بن قرمله
محمد بن هادي
ناصر بن عمر بن هادي
جمل بن لبده
قنيفذ بن لبده
شالح ابن هدلان
الفديع ابن هدلان
ذيب بن شالح ابن هدلان
ابن عبود
ابن شفلوت
ابن سعيدان
ابن مريحه
ابن سفران
عضيب بن حشر
قاسي بن حشر
فيصل بن حشر
شافي بن شبعان
القرقاح
وغيرهم كثير وكثير ممن قصرت في حقهم بنسيان اسمائهم وهي لا تنسى ....

وفي الختام ... تذكروا ... بأن لامراء القبائل الاخرى حقهم من الشجاعه والشهامه ... ولا يحتقر الرجال الا ارداهم .... ولهم افعالهم في الميادين بغض النظر عن سفاهات هذا الجيل ..... فتركي بن حميد امير وفارس .. وكذلك راكان بن حثلين وابن رشيد والدويش والفرم والجربا وابن قويد وابن عدوان وابو اثنين ..وغيرهم كثير .... والرجال تعطي الرجال حقها ...

واما ما يخصنا ... نحن الـقـحـاطـيـن .... فتذكروا ان :

القحاطين سور عالي .... والاقزام تحاول ان تتعلق فيه .....

[الساري]

السلام عليكم ورحمة الله وبركاته :
وهل شارك قبيلة الحباب او استنجدوا بهم ابناء عمومتهم عيال عبد الله الجحادر في ازاحت قبيلة عتيبه من نجد

لا استنجدوا بك انت وربعك !! بس وينكم !!

[حمد العبيدي]

يا أخوان :

اعرفوا تاريخكم زين ... لانه تاريخ زين و يرفع الراس ومثبت في السوالف والكتب .......

1- نزول الجحادر لنجد كان تحت قيادة اميرهم آنذاك ( عثفر العماج ) رحمه الله ..... تقريبا ً حوالي عام 1190 هجري او حول ذلك ... وكانت قبيلة مطير قد ازاحت قبيلة عنزه من نجد وسيطرت عليها .... وصارت معارك بين القحاطين والمطران استمرت ل 6 شهور متواصله انتهت بأنتصار القحاطين وقتل امير مطير وطبان الدويش وازاحتهم من نجد .

2- تولى زعامة الجحادر وعموم قبيلة قحطان فيما بعد هادي بن قرمله ... والذي قاد معركة بين قحطان والدولة السعودية الاولى عام 1204 هجري وانتصر القحاطين فيها . بعد ذلك اصبح هادي بن قرملة قائد جيوش الدولة السعودية بعد ان عرفوا ان الدعوة الوهابية تحتاج الى قوة لتساندها وتدعمها . وكان من ضمن الامراء الذين تحت لواء هادي بن قرمله امراء عتيبه ( ابن ربيعان ) والدواسر والسبعان والسهول . وظل هادي على هذا الى ان قتل عام 1226 هجري في معركة وادي الصفرا ضد الاتراك والمصريين ... واللتي بعدها سقطت الدرعية عام 1231 هجري وانتهت الدولة السعودية الاولى .

3- تولى الزعامة بعد ذلك الامير محمد بن هادي والذي هزم اكبر قوة آنذاك وهي جيش الاشراف في معركة ( تين ) فاصبح بعدها سلطانا ً لنجد .

4- نزل تركي بن حميد بقبيلته من عالية نجد والحجاز بعد ذلك وطلبوا المرباع من سلطان نجد ... فقال لهم : ارجعوا الى الريعان بالظعينه وتجي لنا وناذن لك بالمرباع ... اما مجيئك بالظعينه فيدل على انك تنوي المرباع حتى لو ماحصل لك الاذن ..... فعاد بن حميد بالظعينه وطلب المرباع فأذن له سلطان نجد ولكن بشروط وقبل ابن حميد الشروط .

ثم فقدت قحطان 4 من الخيل وقعود ... فطلبها سلطان نجد.. فقام تركي بن حميد بتأديتها ومعها حصان هدية يدعى ( التوم ) ....وعندما وصلت لسلطان نجد اخذ الخيل والقعود ورفض الهدية !!! وقال لانقبل الا قعود زبن بن عمير ..... فعرض ابن حميد الامر على ابن عمير فرفض ترك قعوده .... فعرف ابن حميد ان الامر قد وصل الى طريق ٍ مسدود وان القعود قد يؤخذ بالقوة .... ورد النقا ابن حميد اعلانا ً منه بقبول الحرب ... فأشتعلت منذ ذلك الحين .

حيث يقول ابن حميد :

اديت انا اربع قحص والخامس التوم
وقـعـود زبن اللي بغا مـا حـصـل له

الى ان يقول :

وانـتـم كما ضـلع ٍ طـويل ٍ ومـزمـوم
وحـنـا خـلـقـنا الـلـه نـجــوم ٍ تـهـله

فيرد سلطان نجد :

ياسابقي غاش ٍ اعتيبه منك لوم
مثل الربيع اليا غـشـا نـجـد كله
كدي على العتبان خمسة عشر يوم
قعدان والجمال بـيـتـي هل ٍ له
وان كان رمحك بأول الخيل ملحوم
فأنا برمحي حامي ٍ نـجـد كله
من شافنا بالحلم يقعد من النوم
ومن شافنا بالعـلم بـطـنه يهله
عدونا لا جـض ماهـوب مليوم
واللي وراه يـجـض من جـضة ٍ له
حربك الى جانا نـقـلناه بسهوم
وتر حربنا لا جاك ما احـتـلت شـله
وان كان تطري النجم والنجم مفهوم
والـنـجـم يدوي والـجـبـل راسي ٍ له
متوسط ٍ ما بـيـن عـتـبان وبـقـوم
والله علم في دق سـلـك وجـلـه

هذا توضيح ... واليك المفيد المختصر :

1- لم تنزل عتيبه في نجد الا بعد اذن قحطان
2- حاول اين حميد تفادي الحرب بتقديم الهدايا
3- خرج على ابن حميد جماعات من العتبان لعدم قدرتهم على مواصلة القتال ضد قحطان ومنهم امير الدعاجين ( الهيضل ) الذي قدم هدايا لابن هادي عبارة عن حصان وفرس .
4- ترك ابن حميد ناس من ابناء عمه واخوان زوجته ونزحوا عنه وارسل لهم قصيده يحثهم فيها على العوده والقتال معه يقول في اولها :

تلفي بني عمي ورا نجد بهبط
اهل بيوت كنها شمخ القور

حتى تركي بن حميد نفسه يقول في قصيده موجهه الى سلطان نجد :

حنا طلبنا الصلح منكم ولا حصل
ودنياك ما يبقى بها الا صبورها
ما اذمكم ياربعنا نعما ً بكم
انتم سباع الهيش وحنا نمورها

حتى ان احد شعراء عتيبه قال بيتين قتله بسببها تركي بن حميد ... والبيتين هي :

ول ياعود ٍ حرق الله اعظامه
عين يبيدنه الليالي والايام
لاشب ضوه عالي ٍ في العدامه
قمنا نربط غالي القش بحزام

وعندما علم تركي بن حميد قتله - والعلم عند الله - لانه عبر عن يأسه من زوال سلطان نجد وقوة قبيلته .
كذلك هناك قصيده لامير عتيبه محمد بن هندي يحث فيها قومه بعدم غزو مراعي قحطان اللتي فيها ذيب بن شالح بن هدلان .

5- كان محمد بن هادي يأخذ الجزيه على من في نجد ومن ضمنهم عتيبه ....حتى ان الشاعر حمد هادي المسردي رحمه الله قد ذكر هذا الشيء في ردية مع خلف بن هذال العتيبي امام الامير سلمان حيث قال :
والجزية تدفعونها لكم عدة اسنين
ياتي بها شـيـوخـكـم يـم امراءنا

6- وصل محمد بن هادي الى مكانة لم يصلها غيره .... فقد حارب على كل جهه وانتصر ... وكرهه اعدائه لجبروته واحبه القحاطين لرأفته بهم حتى وان اخطأوا في تصرف ٍ ما .....

فأعلم ان محمد بن هادي قد انهك مطير وعتيبه بالحروب والغارات حتو وشوا به عند الامام فيصل بن تركي فقال سلطان نجد للامام فيصل :

شد العتيبي من ورا كشب خايف
ولا يحدر كود يبرى له القود
وشد المطيري من خشوم الردايف
وان سندوا وردو حنيظل وابا الدود

وقال ايضا ً للامام فيصل متحدثا ً عن مطير وعتيبه :

اللحف يبغضني على لطم خده
ولو ني عليه هوين ٍ صرت غالي

7- استجارت قبيلة المريخات من مطير - بعد الله سبحانه - بقحطان ومحمد بن هادي خوفا ً من الدويش... واجارهم بن هادي رغما ً عن الدويش وابن رشيد الذي كان في صفه .

8- ارسل راكان بن حثلين امير العجمان الهدايا لمحمد بن هادي توددا ً ورغبة ً ان يكون سلطان نجد عونا ً له لا خصما ً ضده .

9- ارسل الشريف سلطان لمحمد بن هادي يطلب منه ان يرسل حصانه ( حرقان) ليضرب به افراسه ... ورفض ابن هادي طلب الشريف وهذا دلاله على قوته وتمكنه من امارته .

10- لكم ان تعرفوا اين انتهى المطاف بآل ابن حميد وبرقا !!! عادوا كما كانوا للحجاز !!! والمطران صاروا شتات ... اكثرهم في النعيرية على حدود الكويت ... واللي في المجمعه .. فهم في هجر منحها اياهم الملك عبدالعزيز خلال مرحلة ( توطين البدو ) .

لذلك وجب ان تعلم ان مجرد المناقشه حول تزعم القحاطين لنجد وسيطرتهم بها مع من هو من غير القحاطين هي من باب ( اعطاء الوجه لمن لا يستحق ) !!!

والناس اللتي تحاول ان تتعملق ... تربط مواجهاتها بالعمالقه !!!!

واليكم هذه الكوكبة الرائعه من الاسماء اللتي ترفع الرأس :

هادي بن قرمله
محمد بن هادي
ناصر بن عمر بن هادي
جمل بن لبده
قنيفذ بن لبده
شالح ابن هدلان
الفديع ابن هدلان
ذيب بن شالح ابن هدلان
ابن عبود
ابن شفلوت
ابن سعيدان
ابن مريحه
ابن سفران
عضيب بن حشر
قاسي بن حشر
فيصل بن حشر
شافي بن شبعان
القرقاح
وغيرهم كثير وكثير ممن قصرت في حقهم بنسيان اسمائهم وهي لا تنسى ....

وفي الختام ... تذكروا ... بأن لامراء القبائل الاخرى حقهم من الشجاعه والشهامه ... ولا يحتقر الرجال الا ارداهم .... ولهم افعالهم في الميادين بغض النظر عن سفاهات هذا الجيل ..... فتركي بن حميد امير وفارس .. وكذلك راكان بن حثلين وابن رشيد والدويش والفرم والجربا وابن قويد وابن عدوان وابو اثنين ..وغيرهم كثير .... والرجال تعطي الرجال حقها ...

واما ما يخصنا ... نحن الـقـحـاطـيـن .... فتذكروا ان :

القحاطين سور عالي .... والاقزام تحاول ان تتعلق فيه .....


ماقل دل وزبدة الهرج نيشان ,,,, والحكي يكفي صامله عن كثيره

وعز الله انك يا لمشبهاني اوجزت واجزلت في المعنى والعلوم الغانمه (( تاريخ مختصر لقحطان نجد ))

يمينك تستاهل الشحم نفداك والله يديمك على العز

اخوك

[ال قريش العبيدي]

يا شباب انا ادري ان فيه حروب واجد صارت بين قحطان و عتيبه
وكانت حامية ا****************س
وان النصره كانت لقحطان في كثير من المعارك مدري هذي من اثارها يمكن

[ابو اسامه الروقي]

ماقصرتو يارجال والله لايهينك اخوي المشبهاني على الكلام اللي قلته وهو مافيه شك والكتب موثقته لكن ارجو انه مايكون فيه تعصب زايد وبودنا ننصف القبائل الثانيه في الشجاعه والعلوم الغانمه وانت ماقصرت يالمشبهاني وانا مااقول كلام جديد لكن اذا تعصبنا ولا انصفنا بيفقد الموقع مصداقيته بالشكل هذا

[عبدالله بن حمود الجهيمي]

كلامـــــــــــــــك صحيح اخوي (المشبهاني)والله يعطيك العافيه على هالمعلومات الجيده ولابد ان نستفيد منها .

[المشبهاني]

الاخ : حمد العبيدي

عسى عدوانك فدوة ٍ لك يامنقع الطيب والجود ...... وشكرا ً على اطرائـك

----------------------------------------------------

الاخ : ابوأسامه الروقي

لاهنت وبيض الله وجهك ... ولاشك ان كل ٍ فيه حقه من دون ما نبخص الباقين حقهم .... ولعل ما يميز ( القحاطين ) عن غيرهم انهم مايبخصون الرجاجيل حقوقهم ...... ويجب علينا الالتزام بها الشي حتى لو تم اثارتنا ورفع ضغطنا من اشخاص ياخذون طرف السالفه ويصايحون بها ...... ولعلي اذكر فقط ان ربعي في السعوديه او خلال الدراسه في امريكا كانوا من قبايل نجد ...وكنا نتسلى بهالسوالف ...ودايم نختمها مداعبة ً بقولة ( ياعنك كان به رياجيل اول ) ومثل ما يقول المثل : ما يحقر الرياجيل الا ارداهم

--------------------------------------------------

الاخ: طيب المجنى

عساك سالم وغانم يابن الاجواد وشكرا ً على اطرائك ..... والاستفاده لنا كلنا في هالمنتدى العملاق اللي نتمنى ان يكون اللبنة الاولى في توثيق القصص المتواتره عن الشيبان .... القصص الصحيحه فقط ..... واما المغلوط فيها او المحرفه ...فنتداولها للمناقشه والتحليل اذا امكن.

--------------------------------------------------

الاخوان : مهدي + ابليس ملعون

بشويش .... هدو اللعب شوي يالمناعير .......!!! ولا صار الا كل خير وكل واحد يصلح سيارته !!!!

سوء فهم ويزول ...... بس لاتكونون فرجه للباقين ...... واللي عنده تصحيح للثاني يكتبه بطريقه مقبوله ...واذا له خاطر يقوله بطريقه ( خاصه) ...فيرسله رساله خاصه للعضو الآخر ......

ولاتخلون بيت الشعر ينطبق عليكم ... بيت الشعر المعروف لخلف بن هذال يوم يقول :

من بد صـهـيـون بـذتـنـا صـهــايـنـا

[إبن الأروق]

جزاكم الله خيرا وغفر لكم

ومثل هذه الترهات تؤدي إلى الإنشغال عن الموضوع الأصلي وقد تؤدي إلى حذفه

وهذا ليس من صالح الشبكة ، مما يبعث الشك في النفوس على أن من يفتعل مثل هذه المشاكل شخص لا يريد إبراز التاريخ الحقيقي للقبيلة




أشكرك أخي المشبهاني وكفيت بارك الله بك

[مهدي القحطاني]

لاهنت يابن الأروق

وحن مستعدين لأي شي يخدم قحطان والمنتدي

[ابوعشق]

السلام عليكم ورحمة الله وبركاته
أخي العزيز المشبهاني أقول وستين نعم بقحطان نجد وهم كفو على خشم الرضي والزعلان


بعض الحكي ما له لازم . . . إبن الأروق

[ابليس ملعون]

العذر من الله ثم منكم يالربع

[المشبهاني]

اخوي ابوعشق:

مرحبا ً الف واهلا ً بك الفين

[المشبهاني]

فقط ملاحظة

اللي يحذر ربعه من اقحطان هو الامير محمد بن هندي وليس تركي بن حميد او ابن فهيد امير الشيابين ....

وكلمة الامير محمد بن هندي هي ( اذا سمعتوا اللي يعتزي ويقول ابن دراج فتراه ذيب ابن هدلان فابعدوا عنه ) ... وهذا الكلام موثق رسميا ً في كتاب ابطال من الصحراء لمحمد الاحمد السديري ...

والنعم بآل روق والف نعم ... ولكن المعني هم الخنافر .....وعلى وجه الاخص ذيب بن شالح .....


تحياتي

[إبن الأروق]

يالمشبهاني مانقول الا ونعم بربعنا والخافي أعظم

وابن بليهد كتب ايضا وذكر آل عاطف والخنافر ولم يذكر آل روق

ولكن خلني اعلمك

ترى تركي ابن حميد يقول لربعه لا شفتوا اثر وسوم آل روق في مراح البل فهجوا واسلموا بأنفسكم

وانشد شيبانك وخل منك السديري اللي وده يغير بعض أنساب الفرسان الافذاذ ويحطهم دواسر الله يغفر له

ومحمد بن هندي آل روق اقضبوه ومنوا عليه واطلقوا صراحه وكذلك الهيضل وغيرهم

وهذال ابن فهيد حلف بالطلاق انه يزين اقهوته من بير كحله في الحرملية

ويوم ردوا العلم له ان آل روق على البير ، قال هجل ابتطلق ، دوروا لي احد يفتيني يرجع لي حرمتي

وراح طرقي من العتبان وملأ قربة من بير كحله وعود على هذال وحذفها عليه وقال له ، ترى حرمتك ارجعت لك

وغيرها الكثير اللي ما سجل في الكتب

وتبي تسمع السوالف بإذنك ، أبد ميّل على الحرملية ما هي بعيد منك

والسلام عليكم

[بن قريان]

كفوووووو ومليون كفوووو

























وعز الله انه ذاق مرارتنا











والله لا يهينك على المشاركه

[المشبهاني]

يالروقي اقرا موضوع ابن عمك ابواسامه عشان تفهم ردي ....

نقول والنعم في اقحطان كلهم ... سلاطين نجد ..... وانا منهم وافتخر فيهم كلهم بدون استثناء ....

ولكن السالفة في وادي وانت جيت مدحدر في وادي ٍ ثاني ....

السديري يجيب الصح ويجيب الخطا احيانا ً .... بشر مثل باقي البشر ...

ولكنه الف كتاب اول من قراه شيوخ القبايل وخصوصا ً عتيبه ولا اعترضوا عليه ...

والمقولة اللي ذكرها السديري هي المتواترة والموثقة رسميا ً ....

وسواء السديري او ابن بليهد ذكروا الخنافر وآل عاطف ولا ذكروا آل روق ...

فنقول ونعم فيهم كلهم ونعم الشوارب اللي دقت الف شارب وشارب ....

فلا تـشـتـك في نـفـسـك وانا اخوك وتمهل قبل ما ترد ....

[إبن الأروق]

ياخي انت نفيت هذي المقولة عن آل روق وانا رديت على هذا الاساس

وانا ما نفيت المقولة هذي عن الخنافر وآل عاطف >>>> مدري على أي أساس أنت رديت

افهم الكلام قبل لا ترد الله يصلحك

ومن ناحيتي انا ماني بشاك بربعي


بعدين تبي احد يعترض على خال الملك !!

خلك واقعي بارك الله فيك


وابو اسامة مدري هو روقي والا من الروقة والا مجرد اسم

كانه روقي يراسلني على الخاص وانا بجيب علمه في دقايق


والسلام عليكم

[المشبهاني]

اللهم لاحول ....

ياوجه آل محمد ... انا مانفيت شي عن آل روق وانت ما نفيت شي عن آل عاطف والخنافر .... الكلام واضح ...

أنا فقط اكدت على سالفة محمد بن هندي ومن يقصد محمد بن هندي .... حسب ماهو مذكور من المصدر ....

ولسنا بحاجة للسديري ولا لابن بليهد ولا للفهيد ولا لابن خميس عشان ندري ببطولات ربعنا ...

اذا جات على البطولات وانا خوك .... نجد لو تكلمت شهدت لقحطان ...

كفو بآل عاطف .. وكفو بالخنافر ..وكفو بآل روق ... وكفو ومليون كفو بعموم الجحادر والقحاطين ...

الشك زايل ....

وردي اللي فوق كان مبني على ما انبنى عليه المنتدى .. وهو التوثيق ..... وانا لست ملما ً بكل الحوادث والقصص ...

ومنكم نستفيد ....وسالفة تركي بن حميد اللي ذكرتها انت بناخذها منك لانك مخزن معلوماتي للمنتدى ( ما شاء الله ) ...


وبالنسبة لسالفة ( خال الملك ) .... فالله يرضى عليك ..... !!

الحروب هجوا السديري في حياة الملك فيصل بعد ما كتب عنهم ( وفرت حرب من شمر كما تفر الشاة من الذئب) .. فهجوه بقصيده حلق بسببها اطراف شنبه .. ودخل على الملك فيصل وسأله الملك ( وين راح شنبك يالسديري ) فرد السديري ( كلاه الذيب ) .. فضحك الملك فيصل وقال ( لو ما حصل عليه دسم ما جاه ) ....

وكتاب ابطال من الصحراء تم اصداره في عهد الملك فيصل ... والملك فيصل هو من منع ان تصدر منه اية اجزاء اخرى !!! والسديري ليس خال الملك فيصل .... ولا خال الملك الذي اتى بعده ....

وعلى كل حال ..... ومثل مايقولون في المغرب :

صافي ؟ ... يعني تمام ؟

من عندي صافي .... ولا يجي في خاطرك شي

والسلام ختام

[إبن الأروق]

مزيان مزيان

[العاطفي (دوت كوم)]

أبليس ملعون -المنار ولامهونت للباقين ..... قصت الجحادر يام نزلو لنجد
كانو الجحادر في الجنوب وجاهم قحط وكان نجد مربع تشبع فيه الركاب
وكان يحكم نجد المطران واميرهم (وطبان الدويش) فنزلو الجحادر في جنوب نجد
فيام وصل الخبر لوطبان أرسل لهم مرسول يقولهم أرجعو للجنوب وأرسلو الجزية
(شاة على كل ذود) وبعدين تربعون في نجد نصف الحول (ستة أشهر) فوصل المرسول
للجحادر وكان أميرهم (عثفر العماج) ابن عم هادي بن قرملة فاخبرة المرسول بهذا الخبر
فقال قل لوطبان بتجيك الجزية في وقت قريب فنزلوا الجحادر عليهم في منطقة (صبحــــا)
جنوب حلبان والتي يسكنها الأن ( الخنافر - وال مريتع ) من الجحادر فصبحوهم الجحادر فيها وكان يوم أغبر على
المطران وذبح وطبان الدويش وذبح ومايقارب نصف المطران فطلعوهم من نجد لين وصلوا المطران
حد المدينة المنورة من الغرب والقصيم من الشرق وتركو حلالهم وديارهم في نجد
ويقول الشاعر عبدالله بن شايق للعير الله يرحمة:


نجد ماخذينها بالوفق والهدايا = عان نصف مطير راحوا تحت ترابها
ويقول الشاعر فلاح القرقاح:

وطبان جاه بياض المشعاب ثم كزة
في حزة طيبها يمطير من حــــــزة
من شل مرحوم بدقنة وجــــــــــزة

ويقال أن وطبان الدويش قتل بضرب المشاعيب

وهذه قصة الجحادر يوم حكمو نجد وتأتي بعدها
المنازعات بينهم وبين عتيبة وبين الدواسر

والمعذرة لو بدا مني قصور

[ابو اسامه الروقي]

اسف والله على التاخير في الرد بس اني مبطي من النت
بالنسبه للتعقيب من الاخ المشبهاني فالقصه اللي انا اقولها لابن فهيد ماهيب عن ابن حميد ولاغيره من شيوخ عتيبه وهذا ردي
اما انت يابن الاروق فاقولك هنا على المنتدى اني من ال روق من قحطان وبالاخص من ال زميمان اهل الحرمليه
وسلامتكم

[كحيلان]

الله لا يهينك يالمشبهاني كفيييييت ووفيت والله يبض وجيهكم

[المشبهاني]

اخوي : كحيلان

لاهنت وبيض الله وجهك

[ساري تحت النجوم]

اخوي المنار ماقصروا الاخوان بالردوود لاكن للتوضبح قحطان لم تاتي كلها لنجد بل اتواالجحادر فقط وكان يسكن نجد قبائل عده فازاحتهم قحطان عن بكره ابيهم واستحلت نجد لمده خمسين عاما وكانت تاخذ الجزيه على كل القابل لكي تسمح لهم بالرعي بنجد لان نجد كانت لرض خضرا وياتون اليها كل القبايل في الربيع فكان ابن هادي ياخذ الجزيه مقابل مكوثهم فيها وسلامتك والقصه والتفصيل لكثر من ذلك لاكني على عجل من امري

[المشاغب]

بيض الله وجه المشهباني كفيت ووفيت

[ناصر بن ناشر الهاجري]

يا جماعه الخير

قحطان >>>> ساس العرب

نجد >>>> الي حموها قحطان فقطططططططططططططططططططططططططططططططططططططططط

ال روق و ال عاطف و الخنافر >>>> يشهد لهم التاريخ كلهم و افين

[شارب الفناجيل]

اخواني الكرام ونعم بكل قحطان وكل قبيله لها فعلها والطيب ما هو بمحدود بقبيله الجحادر او غيرها كل
قحطان وافين فالجحادر نزلواء نجد غصب عن القبائل كلها والهواجر نزلواء الشرقية غصب عن الي فيها
والحباب الموت الحمر لو نزلواء مع الجحادر كان الدم مريوق دبل وثري


أما من سالفة الموضوع فالكلام قاله الشيخ محمدبن هندي وهو كبير سن وجاء عند ابن خثيله في الغطغط
وقام ابن خثيلة وركبة ذلول وقام يمشيه حول الغطغط في الليل ويسامرة بالسوالف وقاله يا بن هندي
أنت شيخ عتيبة وحاربت القبائل منه من القبائل الي تخافونه قال بن هندي يا ولدي كل فية حقة ولكن ما نشب فينا
الا بني مظيم (قحطان) والاخص ليا غزينا وشفنا الفارس الي له شوشه متكعشة ويقول خيلا البلها وان بن دراج
رجعنا لا يذبحنا درينا أنه من الخنافر********* والخنافر معروف ان نصف الشيوخ الي ذبحتهم قحطان عند الخنافر

[شارب الفناجيل]

اخواني الكرام ونعم بكل قحطان وكل قبيله لها فعلها والطيب ما هو بمحدود بقبيله الجحادر او غيرها كل
قحطان وافين فالجحادر نزلواء نجد غصب عن القبائل كلها والهواجر نزلواء الشرقية غصب عن الي فيها
والحباب الموت الحمر لو نزلواء مع الجحادر كان الدم مريوق دبل وثري


أما من سالفة الموضوع فالكلام قاله الشيخ محمدبن هندي وهو كبير سن وجاء عند ابن خثيله في الغطغط
وقام ابن خثيلة وركبة ذلول وقام يمشيه حول الغطغط في الليل ويسامرة بالسوالف وقاله يا بن هندي
أنت شيخ عتيبة وحاربت القبائل منه من القبائل الي تخافونه قال بن هندي يا ولدي كل فية حقة ولكن ما نشب فينا
الا بني مظيم (قحطان) والاخص ليا غزينا وشفنا الفارس الي له شوشه متكعشة ويقول خيلا البلها وان بن دراج
رجعنا لا يذبحنا درينا أنه من الخنافر********* والخنافر معروف ان نصف الشيوخ الي ذبحتهم قحطان عند الخنافر


أما ما يتعلق بتاريخ الجحادر فهو بمختصر مفيد أنهم نزلواء نجد بعد ما هزمواء شهران وتقاسمواء أبلهم فسمحات الوجية للاعاطف والبلها للخنافر والسميراء للشبوة والشعثا للسويدان وغيرها وبعد كذا نزلواء نجد ويوم وصلواء السرة وفيها موقع يسمى الدويشية وهو مازال هددواء الدويش ومطير بترك السرة وما حولها فرفض فجاءته ابنته
وقالت قحطان حولواء من وادي الراك فارقهم لا يذبحونك ومطير معك وقال ابدا ما أروح وغزوة قحطان وبالفعل ذبحوة
وتشتت مطير وما زالت سلسله الدويش موجودة فوق ضلع صبحا مع العلم ان صبحا عزوة الدوشان شيوخ مطير
وبعدها قامت قحطان بالتقدم شمالا وكانت عتيبة تسيطر على المناطق الشمالية واميرهم بن ربيعان وقامواء بطردة
هو والروقة جميعا وطرد عنزة وكان هناك قبائل مجتمعة هي الفضول وال مغيرة والكثران وكانواء وسط نجد فقامواء قحطان بحربهم وطردهم الى قرب الكويت وسيطر بن هادي محمد على كامل نجد ومن أراد الرعي يدفع الجزية غصب عنه و لوتاخر بدفعها فعقابه عسير حتى قام الباشا محمد علي بارسال ابنه بغزو الدرعية وبعدها تكالبت قبائل الحجاز معه وعاهدت الباشا لحرب قحطان لانهم حلفاء بن سعود***** وباقي القبائل فزعت مع الباشا منهم عتيبه ومطير وعنزة والبقوم وحرب وجهينه والاشراف الا قبيله واحدة وهي ساس العرب قحطان فقامت الكتائب العثمانية بمساعدة عتيبة
التي تتقوى بالاتراك على حرب قحطان وقام بن هادي بالانسحاب الى حدود بيشة وبعد فترة عادواء قحطان الى نجد وهي التي نحن فيها الان والا بالاصل ليس لقحطان مترا واحدولكن اخذنا نجد غصب عن الراضي والزعلان

[الهاجري القحطاني]

;^^^^^^

عز الله انك واااااافي يا شاااااارب

والجحاااااادر معروف انهم عقده ..لعتيبة ونجد ..

[شارب الفناجيل]

;^^^^^^

عز الله انك واااااافي يا شاااااارب

والجحاااااادر معروف انهم عقده ..لعتيبة ونجد ..

ما عليك زود يالهاجري يا خوال أبوي وكلامك طيب من وجه طيب وحنا عقده لأهل نجد كما أنتم عقده لأهل ا لشرقية