من يعرف قصيدة ابن جليغم ؟

[علي بن شداد القحطاني]

نرجو من كافة الاخوة الكرام ممن يحفظوا أو يعرفوا قصيدة الفارس تركي بن جليغم في ابن رشـيد = خمسة عشر مابين جدي وجده ..

أن لا يبخلوا علينا بها ، وهل لها خلفية ؟

[سفر بن مبارك]

شكرا لك يبو إبراهيم وهذه القصيده .....


ياراكب خمسة عشر مستعده = اواركٍ تفعل على ماتريدي
مرباعها من عنز الى المستجده = وادي الرشا لازاف عشب جديدي
ومقياضهاخشم الوحف يحده = وحل الصفاري شاربات الوجيدي
مقيال اهلها في وسوق الاشده = والعصر تمسي في بلاد العبيدي
منصاك من هو حاكم لي حد جده = اللي حكم نجد بضرب الوديدي
ياما عطا من مصرفات الاشده = وجوخ البلنزا والزبون الجديدي
وياكم عطا من سابق مستعده = من دون صنع المغربي والمجيدي
وياكم سرا في ليلة مجرهده = من فوق مثل منحفات الجريدي
يصبح قعود البدو يرثع بشده = قعدان بدو(ن)ناويات الشديدي
الضيغمـــي مانمدحه لجل مده = غير ابن عم لي وفعله يزيدي
خمسة عشر مابين جدي وجده = وعزالله ان عدي وعده وكيدي

[شارب الفناجيل]

الاخ/ علي اسعد الله اوقاتك بكل خير


القصيده قالها ابن جليغم في ابن رشيد والسبب هو ان قوم من شمر التابعين لابن رشيد اخذواء أبل ابن جليغم وهي في الشمال مربعه فذهب ابن جليغم لابن رشيد وقال القصيده فيه وبعدها امر ابن رشيد برد ابله له واعطاءه عطايا جزله واكرمه واحفظ منها بيت او بيتين

الضيغمي ما نمدحه نبي مده ***** غير ابن عم لي وفعله يزيد
خمسة عشر مابين جدي وجده ***** ان اشهد ان عدي وعده وكيد

فقال ابن رشيد ليش خمسة عشر انا وانت انا حسبت جدي وجدك ولين اجتمع معك في ثلاثة عشر فقال ابن جليغم وزن القصيده ما صار الا على كذا يتعذر منه فضحك ابن رشيد وامر برد ابله

[شارب الفناجيل]

نزلت الرد واذا بالذيب كحيلان سفر بن مبارك سابقني على الطيب وبالقصيده كامله شاكر لكم جميعا اهتمامكم بتاريخ قحطان

[مشاري بن نملان الحبابي]

أرحب يا أبو إبراهيم ..

وبيّض الله وجه أبو فيصل على إيراد القصيدة ..

[سفر بن مبارك]

نزلت الرد واذا بالذيب كحيلان سفر بن مبارك سابقني على الطيب وبالقصيده كامله شاكر لكم جميعا اهتمامكم بتاريخ قحطان


أخوي الغالي شارب الفناجيل ماعليك زود جعل عمرك طويل وللامانه لك بصمة خاصه بك هنا بيض الله وجهك

وأنا وأنت واحد شكرالك لاعدمتك..............

[علي بن شداد القحطاني]

- سفر مبارك
- شراب الفناجيل

أرحبوا يارجال اسعدني مروركم وتفاعلكم وتجابكم المقدر .. تحياتي لكم

[حمد الظلافيع]

العين ماتعلى على الحاجب كفو ووفو