مغزى الشيابين على ال عاطف ومقتل الشيخ هملان بن فهيد

[أبا الذموم]

السلام عليكم ورحمة الله وبركاته
مساكم الله بالخير
في هذا الموضوع سوف اتحدث
عن مغزى الشيابين من عتيبه على ال عاطف في نجد
غزو فرسان من الشيابين من عتيبه بقيادة الشيخ الفارس هملان بن فهيد من الفهيدات شيوخ الشيابين وكانت وجهتهم صوب قحطان وغزو على ابل الفارس ظافر بن ناصر بن مجمش الحواصله ال عاطف وهو في روضة يحامر ( سديره) في نجد وكان الفارس ظافر بن مجمش لحاله ما معه الا ولده ( عباس ) وكان صغير في السن
وكانوا جاعلين رزح ويسما موقع هذه الوقعة الرزح بروضة يحامر .
وكان ظافر بن مجمش راقد عند ابله وولده عباس يلعب عنده علمكم بالورعان وهم صغار و شاف الخيل والقوم خذوا الابل و اذهن ابوه وقال :
( يبه الرجاجيل على الخيل عند الابل )
وقام وشافهم وخذا الورع (عباس) وحطه في غار في روضة ايحامر و لحقهم و وقام يرميهم بكل شجاعة
( وهو معروف بدقة الرمي " بواردي " )
وعقر بعض خيلهم وذبح عددا من الفرسان اشهرهم عقيدهم وشيخهم في الهية الشيخ الفارس هملان بن فهيد من الفهيدات شيوخ الشيابين وقاموا بقية الفرسان يوم شافوا اميرهم ذبح تركوا الابل وخلوها وانهزموا يبون السلامه وقام ابن مجمش واحتمى ابله بكل شجاعة وفروسية .
قام الفارس ظافر بن مجمش الحواصله ال عاطف يغني عقب ذي الهية بهذه الابيات :

الورع شاف لـه شـوف( ن) رهيـب = شـاف الخـيـل مرخـيـة( ن) رقابـهـا
نطحـتـهـم يـــوم الـــردي يتـقـيـبـي= ولـي هقـوة (ن) مـحـد(ن ) هقابـهـا
وذبحت شيخ القـوم وركبـت مركبـه =ورديـت انـا العرفـا وهـو قـد نوابهـا
وعديتـهـم منـهـا و وقـفـت دونـهــا = باللي من المصنع قصير(ن) خشابها
يامـا نحينـا مـن دونهـا مـن فــارس = لا مــن غـزانـا غـازيـا ماغدابـهـا
تقبلوا فائق الاحترام

[مقدم الشفقان]

ابن مجمش ابتلى وجمله الله ولا هي بغريبة من وجيه عبداله صبيان ال عاطف.

لاهنت ياابالذموم على القصة والقصيدة.

مع تحياتي,,,,,,

[الظور]

ابيض وجه ياابا الذموم

لاخاب ضني بالرفيق الموالي

عزالله انك وفيت حق بني عمك ال عاطف الي عليك خاصه وقحطان عامه

وعندما ادور لموضوع جديد في فرسان قحطان احصلك منزل موضوع جديد

الله لايخلي منك والي مثلك

[مشاري بن نملان الحبابي]

أرحب يا أبا الذموم ..

رحمة الله على ظافر بن مجمش ..

عزّ الله ماقفه مع الشيابين يرفع الراس ويجملّنا يا قحطان ..

لاهنت يا الغالي .. في انتظار الجديد ..

[شامانـ العاطفي]

ارحب ارحب

ويعطيك العافية على القصة والأبيات الجزلة ورحم الله هميلان بن فهيد

وظافر بن مجمش ومن توفى من المسلمين .

اخوك .

[متعب الهاجري]

ابا الذموم من اشد المتابعين لك

ما شاء الله

توثق الاحداث بالتفصيل وتذكر كل الاسماء المهمه كامله والاحداث والمقولات المشهوره الي حصلت ومع توثيق القصيد

وهذا شي مطلوب في شخص يذكر التاريخ حرفيااا

تسلم والله لايهينك يا استاذن المجالس


وآل عاطف لو نقول ويش مانوفيهم حقهم من المراجل والشجاعه وآآآآآلف نعم


متعب الهاجري

[فهد السريعي]

بيض الله وجهك ورحم الله ابن مجمش وعز الله انه تجمل عند نفسه وماله

[عايض الفهري ابوبندر]

بيض الله وجهك ورحم الله ابن مجمش


وعز الله انه تجمل عند نفسه وماله



لاهنت


مشكوووووووووووووووور


تحياتي

[ابن دغيّم]

بيض الله وجهك يا بو الذموم والنعم والله في ابن مجمش

وآل عاطف ان اشهد ان كلهم فرسان لا عدمناكم
ابن دغيم

[ابن عيفة الحبابي]

الصادق وراعى الوفاء اللة ينصرة العاطفى راقد والقوم خذوا ابلة وصحاة ورعة مامعهم الا اللة فى محلهم وظافر العاطفى بيض اللة وجهة ورجل اختار النصر او الشهادة دون حلالة وسرقة بندق الرجال او الحلال من الرجال عندنا ياقحطان ام الكبائر وعز اللة ان تجمل وطرح بعقيدهم وارداة قتيل ونصرة اللة نصرا مؤزرا وكفو يال عاطف

[محمد آل سويدان]

ارحب يا ابا الذموم لاهنت على طرحك قصص فرسان قحطان ونعم بالحواصله وآل عاطف كافه..



تقبل مروري..

[جابر الهاجري]

الورع شاف لـه شـوف( ن) رهيـب
شـاف الخـيـل مرخـيـة( ن) رقابـهـا
نطحـتـهـم يـــوم الـــردي يتـقـيـبـي
ولـي هقـوة (ن) مـحـد(ن ) هقابـهـا
وذبحت شيخ القـوم وركبـت مركبـه
ورديـت انـا العرفـا وهـو قـد نوابهـا
وعديتـهـم منـهـا و وقـفـت دونـهــا
باللي من المصنع قصير(ن) خشابها
يامـا نحينـا مـن دونهـا مـن فــارس
لا مــن غـزانــا غـازيــا ماغـدابـهـا

الله الله صح لسانه

والله وستين نعم في خوالي ال عاطف عزالله من المراجل

والشجاعه ولا قصورن في كل قحطان وكلن فيه حقه

ولاهنت ياذيبان على الهيه والقصيده ولاتبخلون علينا بالهيات والقصص

جعلك على القوه


اخوك .. جابر ال شهوان الهاجري

[ابن شديد ال مخثله]

أرحب يا أبا الذموم ..

قصة ترفع الراس وتبيض بالوجه الله يبيض وجهك..

رحم الله الفارس ظافر بن مجمش ال عاطف رحمة واسعة

وجميع اموات المسلمين ..


اخي ابا الذموم

يعجز اللسان عن كيفية شكرك على ماقدمته وتقدمه من درر ثمينة كهذه القصة الموثقة بقصيدتها

وعلى هذا التميز الذي سيبقى شعارك لاعدمناك


لك مني كل الشكر والتقديــر.

[أبا الذموم]

ابن مجمش ابتلى وجمله الله ولا هي بغريبة من وجيه عبداله صبيان ال عاطف.

لاهنت ياابالذموم على القصة والقصيدة.

مع تحياتي,,,,,,


اررحب يامقدم الشفقان
ماعليك زود
وبيض الله وجهك على ردك
وجمل الله حالك على مرورك على الموضوع
تقبل فائق الاحترام